Kryetari i LSDM-së, Venko Filipce, ka ngritur një sërë pyetjesh në lidhje me të ardhmen e ish-kryeministrit Nikola Gruevski, pas ndryshimeve politike në Hungari dhe njoftimeve nga qeveria e re në Budapest.
“Tani pyetja është se çfarë do të bëjë Nikola Gruevski, kur nuk ka më një mbrojtës në Budapest? Ai ka gëzuar mikpritje për vite me radhë. A do të ikë në Rusi apo diku tjetër, apo do të kthehet për të vuajtur dënimin?” tha Filipce. Ai e mirëpriti mesazhin nga qeveria e re hungareze se vendi nuk do të jetë një strehë për të arratisurit, duke aluduar në njoftimet e Peter Magyar.
