Për nxënësit e shkollave fillore dhe të mesme në Maqedoninë e Veriut, nesër (1 janar) nisin pushimet dimërore të vitit shkollor 2024-2025.

Mësimi i gjysmë vjetorit të dytë do të vazhdojë më 20 janar.

Viti akademik 2024-2025 tradicionalisht do të përfundojë më 10 qershor. Ky vit nuk do të zgjatet si viti i kaluar shkollor, kur u mbyll më 17 qershor për nxënësit e shkollave fillore, sepse nuk do të ketë pushim pranveror, i cili për herë të parë u prezantua vitin e kaluar (29 prill – 6 maj 2024).

Për këtë vendim, Ministria e Arsimit dhe Shkencës ka anketuar mësimdhënësit, prindërit dhe nxënësit e klasave më të larta këtë vit shkollor dhe, siç bën me dije, shumica ka deklaruar se nuk dëshiron të ketë pushim pranveror.