Sot kanë filluar punimet për rikonstruimin e rrugës Nerasht-Dobrosht ku do të bëhet rikonstruimi i tërësishëm i rrugës duke përfshirë vendosja e rrjetit të kanalizimit dhe ujësjellësit, tamponimi, nivelizimi si dhe shtrimi i asfaltit. Projekti në fjalë do të përfshi rrugën prej te shkolla e fshatit Nerasht deri te lidhja e rrugës me magjistralen Tetovë-Jazhincë.

Projekti do të realizohet në tri faza me qëllim që derisa të kryhen punimet mos bëhet bllokimi i lëvizjes së qytetarëve. “Projekti do të jetë ndër më të avancuarit dhe do të bëhet me të gjitha nishanet dhe është projekti i parë ku asfalti do bëhet në dy shtresa” deklaroi kryetari i komunës, Nuhi Neziri.

Nga komuna bëjnë apel që qytetarët të jenë të durueshëm dhe mos të lëvizin pa nevojë me qëllim realizimit sa më të shpejtë të projektit.