Dy ministrat nga Aleanca për Shqiptarët, ai i Shëndetësisë Fatmir Mexhiti dhe ministri i Shoqërisë Informatike dhe Administrative, Azir Aliu, në konferencë të jashtëzakonshme për media, kanë bërë të ditur se sipas statutit të partisë së tyre, nuk mundet të sillet vendim për emërimin ose shkarkimin e ministrave, shkruan Alsat.

“Ne nuk do të dorëzojmë dorëheqje, e para për shkak se kemi punuar me transparencë dhe e dyta partia jonë nuk mund të kërkojë shkarkimin tonë sepse nuk ka bazë mbi çka mund të kërkojë këtë, sepse rezultatet flasin vet”, tha Aliu.

Ai po ashtu, bëri me dije se ligjet që i kanë propozuar sot këta dy ministra, me vendim të Artan Grubit, nuk kanë kaluar, e krejt kjo sipas tyre për hakmarrje politike që ishte në sinkronizim me një pjesë të ASH-së./Alsat.mk