Maqedoni

Gashi në takim me Aggeler: Roli i SHBA-ve dhe RMV-së për stabilitetin në rajon është shumë i rëndësishëm

Autori

Autori

Portali Tetova

June 10, 2024, 04:06

Kryetari i Kuvendit, Afrim Gashi, sot realizoi takim me Angela Aggeler, ambasadore e SHBA-së në Republikën e Maqedonisë së Veriut, me ç’rast i përshëndeti marrëdhëniet shumëvjeçare dhe të forta bilaterale ndërmjet të dy vendeve dhe më pas e theksoi rëndësinë e ruajtjes dhe forcimit të mëtejshëm të këtyre marrëdhënieve, të cilat janë me interes të përbashkët për të dyja vendet.

Siç njoftojnë nga kabineti i Gashit, ai shprehu mirënjohje në emër të vendit për mbështetjen e vazhdueshme që SHBA-ja ia jep Republikës së Maqedonisë së Veriut, e cila vlerësohet shumë në vend.

“Një shtyllë e fortë në bashkëpunimin bilateral është Deklarata për Partneritetin Strategjik ndërmjet Republikës së Maqedonisë së Veriut dhe SHBA-së nga viti 2008, si dhe Dialogu Strategjik ndërmjet të dy qeverive nga viti 2022. Kryetari Gashi theksoi se roli i Republikës së Maqedonisë së Veriut dhe Shteteve të Bashkuara të Amerikës në promovimin e stabilitetit dhe bashkëpunimit rajonal ndërmjet vendeve të Ballkanit Perëndimor është shumë i rëndësishëm”.

“Në këtë kornizë, ai informoi se Kuvendi i Republikës së Maqedonisë së Veriut e kryeson Asamblenë Parlamentare të Procesit të Bashkëpunimit në Evropën Juglindore dhe nga 18 deri më 20 qershor 2024 në Kuvend do të mbahet Sesioni i 11-të Plenar i Asamblesë Parlamentare të Procesit të Bashkëpunimit në Evropën Juglindore që paraqet një tjetër shenjë të përkushtimit të vendit për thellimin e bashkëpunimit rajonal”.

“Ai shprehu mirënjohje për mbështetjen e vazhdueshme dhe të fuqishme të Shteteve të
Bashkuara të Amerikës për përpjekjet e Republikës së Maqedonisë së Veriut për integrimin euroatlantik dhe evropian, si dhe për mbështetjen e konsiderueshme për avancimin e proceseve politike në vend”.

Ambasadorja Aggeler falënderoi për takimin dhe theksoi se Kuvendi i Republikës së Maqedonisë së Veriut është një nga institucionet më të rëndësishme në vend. Ajo u shpreh e kënaqur për zgjedhjet presidenciale dhe parlamentare të zhvilluara me sukses në vend, të cilat ishin të drejta, të lira dhe demokratike”.

“Ajo e rikonfirmoi vullnetin e SHBA-së për thellimin e marrëdhënieve bilaterale ndërmjet të dy vendeve, si dhe pritshmëritë për vazhdimin e zbatimit të reformave në vend me qëllim të sundimit të mirë të së drejtës, reformave në sistemin e drejtësisë, si dhe luftën kundër korrupsionit dhe krimit”.

“Të dy bashkëbiseduesit ranë dakord se në të ardhmen duhet t’u kushtohet më shumë
vëmendje çështjeve ekonomike me qëllim të përmirësimit të standardit jetësor të të gjithë qytetarëve, përmirësimit të sistemit arsimor dhe tërheqjes të më shumë investimeve të huaja në mënyrë që Republika e Maqedonisë së Veriut të përparojë në rrugën e saj evropiane dhe t’i tejkalojë sfidat e vështira me të cilat përballet”, thuhet në njoftimin nga Kuvendi.

Tetova1 në Youtube

Mos e humb

IMG_0794
Albion Musliu, ylli i ri që po shkëlqen te Shkëndija
spanja
Trajneri i Spanjës për duelin ndaj Shqipërisë: Do t’u jap mundësi disa prej lojtarëve që kemi në stol
IMG_0727
Euro 2024/ Shqipëria arrin të barazojë kundër Kroacisë, rezultati 2-2
kroaci-shqiperi-mbyllet-pjesa-e-1-1024x585
Euro 2024 | Kroaci-Shqipëri 0-1, pjesë e parë spektakolare
kombetarja
Cilët janë 4 skenarët që kualifikojnë Shqipërinë në 1/8 e Europianit?

Më shumë nga kategoria

kroaci-shqiperi-mbyllet-pjesa-e-1-1024x585
Euro 2024 | Kroaci-Shqipëri 0-1, pjesë e parë spektakolare
kombetarja
Cilët janë 4 skenarët që kualifikojnë Shqipërinë në 1/8 e Europianit?
bajrami
Cilët janë 4 skenarët që kualifikojnë Shqipërinë në 1/8 e Europianit?
IMG_0385
Granit Xhaka: Kësaj radhe do të shkojmë në gjymsëfinale
Andi Demiri
Andi Demiri nga Tearca, ylli i ri shqiptar që shkëlqen në Lille!
weffwerfwe
Formacioni i mundshëm, ja si pritet të rreshtohet Shqipëria kundër Italisë
arben-1
Taravari mori detyrën e re, nga sot drejton ministrinë e Shëndetësisë
448924440_1022029995961635_3368955905961830429_n
Xhaferi ia dorëzoi mandatin Mickoskit
Screenshot 2024-06-23 132935
Votohet qeveria e Maqedonisë së Veriut
IMG_0889
Përmbytet Spitali i Tetovës
FB8A93BE-69E3-4D97-914E-FC60DBE46085-1024x617
EVN do të ndërpret energjinë elektrike në Tetovë për shkak të rrezikut nga goditjet elektrike pas motit të keq
DE433DFE-8C6D-4421-9991-BB9A5E35D676-1024x593
Ndërroi jetë Isuf Kadriu, zëvendëskryeredaktori i TV ALSAT

DIASPORA