Komuna e Aerodromit ka intensifikuar inspektimet dhe ka shqiptuar një gjobë prej 1 000 € ndaj një kompanie dhe 300 € ndaj personit përgjegjës, për shkelje të Ligjit për pastërtinë publike. 
Gjatë një kontrolli në një kantier ndërtimi pranë shkollës së mesme të përgjithshme “Dimitar Vlahov” në bulevardin “Treta Makedonska Brigada”, inspektorët konstatuan se mjetet e ndërtimit lëviznin në rrugë me goma të pista, duke ndotur sipërfaqet publike dhe duke krijuar ndotje shtesë. 
Komuna thekson se nuk do të lejojë veprime të pakujdesshme, dhe se shkeljet do të dënosen rreptë dhe pa përjashtime. Kontrollimet do të vazhdojnë dhe do të intensifikohen tek të gjitha kantieret aktive. Do t’i kushtohet vëmendje veçanërisht: respektimit të masave për mbrojtjen e mjedisit; parandalimit të ndotjes dhe hedhjes së papërshtatshme të mbetjeve; mbajtjes së një mjedisi të pastër dhe të sigurt rreth kantierëve; dhe mbrojtjes së hapësirave publike. 
Komuna bën apel tek të gjithë ndërtuesit dhe investitorët të përmbushin detyrimet e tyre ligjore, sepse vetëm me disiplinë dhe përgjegjësi mund të sigurohet një ambient i rregullt, i pastër dhe i sigurt për të gjithë banorët e Aerodromit. 
