Google është duke shtuar disa veçori të reja në aplikacionin Maps përpara se të fillojë sezoni i blerjeve të fundvitit. Mes tyre është kërkimi për produkte specifike brenda vetë aplikacionit.

Nëse po kërkoni një veshje të caktuar, mjafton të shkruani emrin e saj në Google Maps dhe në hartë do të shfaqen të gjitha dyqanet pranë jush ku mund të blini atë çfarë po kërkoni.

Prej rezultateve të shfaqen mund të klikoni një prej tyre dhe më pas do tu shfaqen drejtimet për tek vendndodhja. Google tha se përdoruesit mund të kërkojnë për sende të ndryshme në Maps nga pajisje elektronike tek ushqime.

Maps gjithashtu do të ofrojë përdoruesve opsionin për të raportuar apo shikuar vonesat me linjat e tranzitit por edhe të kërkojnë për itinerare alternative.

Hartat do të tregojnë edhe për rrugë të përmbytura apo zona me shikueshmëri të ulët si pasojë e kushteve të rënduara atmosferike.