Më datë 02.08.2025, rreth orës 23:50, në Njësinë Policore të Grupçinit është paraqitur shtetasi M.S. (23) nga fshati Çiflik, i cili ka raportuar se më datë 01.08.2025, rreth orës 06:00 të mëngjesit, bashkëshortja e tij M.S. (22) është larguar nga banesa dhe deri në momentin e raportimit nuk është kthyer.
Sipas deklaratës së dhënë nga raportuesi, largimi ka ndodhur në mënyrë të papritur dhe pa ndonjë komunikim të mëparshëm që mund të sugjeronte arsyet e këtij veprimi.
Menjëherë pas marrjes së kallëzimit, organet kompetente të rendit kanë ndërmarrë të gjitha masat e nevojshme procedurale për lokalizimin e personit të raportuar si i zhdukur. Hetimet janë duke vazhduar me intensitet dhe çdo informacion relevant do të trajtohet me prioritet të lartë.
Autoritetet apelojnë për bashkëpunim nga qytetarët që mund të kenë informacion në lidhje me vendndodhjen e saj.
