Në qendrën e Obëalden, Restoranti Jordan, do të flasë edhe shqip nën drejtimin e Amir Abdulit, i cili e ka rinovuar dhe rritur standardet e shijes dhe mikpritjes.
I rikthyer me pasion dhe përkushtim për traditat zvicerane, Restorant Jordan nuk është thjesht një restorant, është një përvojë e veçaatë që bashkon gastronominë tradicionale me inovacionin dhe mikpritjen e ngrohtë.
Kjo intervistë do t’ju ndihmojë të zbulojmë historinë e suksesit të Amir Abdulit i lindur dhe rritur në fshatin Përshefcë të Tetovës por tash më jeton në Zvicër dhe është pronar Restorantit Jordan, frymën e tij dhe pse ky vend është zgjedhja ideale për ata që duan të shijojnë më të mirën e kuzhinës zvicerane dhe asaj në një atmosferë të veçantë.
Intervistë nga Albinfo me Amir Abdulin pronari i Restorant Jordan:
Si filloi ideja për restorantin Jordan?
Amir Abduli: Rihapja e këtij restoranti bëhet me rikthimin tim në vendin ku mësova gatimin dhe bëra hapat e parë në kuzhinë. Restorant Jordan vjen si një frymë e re në skenën gastronomike të Obëalden pas rihapjes së tij, duke ruajtur theksin në kuzhinën tradicionale zvicerane dhe rikthimin e disa klasikëve si “Poulet im Körbli.”
Si ka ndikuar historia dhe stafi i restorantit në suksesin e tij?
Amir Abduli: Kam qenë një pjesë e Restorantit Jordan për shumë vite para se të merrja restorantin në duar. Përvoja ime e thellë nën udhëheqjen e shefit të mëparshëm, Xaver Haas, ka ndikuar pozitivisht në udhëheqjen dhe ruajtjen e vlerave të restorantit.
Çfarë e bën Restorantin Jordan të veçantë në Sarnen?
Amir Abduli: Restoranti Jordan i veçon përkushtimi ndaj gatimeve tradicionale zvicerane dhe atmosfera e ngrohtë dhe mikpritëse nën moton “Us Liebi” – prej Dashurisë. Po ashtu, veçoria e restorantit është edhe specialiteti i tij “Poulet im Körbli”, i cili është i njohur dhe i lidhur ngushtë me restorantin.
Si ruhet cilësia dhe tradita në kuzhinën e restorantit Jordan?
Amir Abduli: Restoranti mban një lidhje të fortë me traditat, duke ofruar ushqime zvicerane tradicionale dhe duke përdorur përbërës lokalë për të siguruar cilësi dhe freski në çdo pjatë të përgatitur.
Pse u rihap Pizzeria Gjordano dhe çfarë e bën atë të veçantë?
Amir Abduli: Pizzeria Gjordano u rihap për të sjellë një prekje italiane në zonë, duke kombinuar ndjesinë e gatimeve tradicionale italiane me mikpritjen dhe cilësinë që ofron Restoranti Jordan. Veçoria e kësaj picerie është furra e drurit, që ka qenë në funksion për shumë vite dhe kam qenë unë vetë pizzaiolo. Është një ndër piceritë e pakta në kantonin Obëalden që përdor furra druri.
Si e promovoni përvojën gastronomike në Restorantin Jordan?
Amir Abduli: Restoranti Jordan spikat me përdorimin e përbërësve të freskët lokalë dhe një menu që reflekton traditën dhe cilësinë, duke krijuar një lidhje të fortë me komunitetin lokal dhe vlerat e saj. Përshtatja e shijes është gjithashtu pjesë e promovimit të eksperiencës gastronomike, duke u bazuar në cilësinë e ushqimit dhe të menuve.
Sa është restoranti Jordan një zgjedhje e mirë për familjet?
Amir Abduli: Restoranti Jordan ofron një ambient të përshtatshëm për familjet, duke përfshirë menu për fëmijët dhe një park dhe kënd lojërash, po ashtu edhe hapësira të sigurta dhe të përshtatshme për vizitorët e të gjitha moshave.
Si i përgjigjet restoranti kërkesave dietike të klientëve?
Amir Abduli: Restorant Jordan ofron zgjidhje fleksibile në menu për të përmbushur nevojat dhe kërkesat dietike të ndryshme të klientëve, duke u përshtatur me preferencat e tyre dhe duke ofruar alternativa për ndjeshmërinë ushqimore.
Si tërheq restoranti klientë me ambientin e tij?
Amir Abduli: Duke ofruar një atmosferë të ngrohtë dhe të ftuar “Us Liebi”, e cila përçon një ndjenjë mikpritjeje dhe komforti, duke u bërë një destinacion i preferuar për banorët lokalë dhe vizitorët. Po ashtu dhe variacionet e ndryshme të ushqimeve.
Si kombinon kuzhina tradicionale zvicerane me elemente moderne?
Amir Abduli: Përmes inovacionit në prezantimin e pjatave dhe përdorimit të teknikave të gatimit të reja për të sjellë një freski në recetat klasike zvicerane, duke i bërë ato tërheqëse për një audiencë më të gjerë. Inovacionet përfshijnë edhe disa salca që i krijojmë vetë, dhe salcat e shtëpisë janë një specialitet i yni që klientët shpesh herë pyesin për recetën!
Restoranti Jordan, me udhëheqjen e Amir Abdulit, është një mundësi e shkëlqyer për ata që kërkojnë një përvojë autentike dhe të pasur gastronomike. Me përkushtimin e tij ndaj traditës, cilësisë dhe mikpritjes, Restorant Jordan ka krijuar një vend ku çdo pjatë përgatitet me dashuri dhe kujdes.
Të gjitha këto elemente janë çelësi i suksesit të restorantit dhe arsyeja pse vizitorët kthehen sërish. Nëse kërkoni një mundësi për të shijuar kuzhinën tradicionale zvicerane me një prekje moderne dhe një atmosferë të ngrohtë, Restorant Jordan është destinacioni që nuk duhet ta humbisni.
