Policia e Tetovës ka ndërhyrë me efikasitet në një rast të raportuar për vjedhje më 22 korrik 2025. Rreth orës 19:30, në rrugën “Boris Kidriç” në Tetovë, është arrestuar S.M. (19) nga Shkupi, me qëndrim të përkohshëm në këtë qytet.
I riu u kap në posedim të një biçiklete e cila paraprakisht ishte raportuar si e vjedhur nga një qytetar. Biçikleta u sekuestrua si provë materiale, ndërsa personi i dyshuar u ndalua në stacionin policor për t’u marrë në pyetje. Policia ka nisur procedurat për zbardhjen e plotë të rastit dhe pritet të ngrihet kallëzim penal për vjedhje.
