Mediat gjermane raportojnë se një person është vrarë dhe katër të tjerë janë plagosur nga të shtënat afër gjykatës në qytetin Bielefeld të Gjermanisë, ku po mbahej gjyqi për vrasjen e boksierit Kosovar, Besar Nimani.
Duke iu referuar burimeve të afërta me hetimin e rastit, medium WDR thotë se njëri nga të plagosurit nuk ka mundur t’u mbijetojë plagëve dhe ka vdekur në spital.

Nga të plagosurit, dy janë identifikuar si familjarë të të pandehurit. Sulmi me armë ndodhi të mërkurën pas orës 13:00, kur kishte përfunduar seanca gjyqësore kundër të dyshuarit për vrasjen e boksierit Besart Nimani, Huseyin Akkurt. Vrasja e boksierit kishte ndodhur në marsin e vitit të kaluar.

Raportohet se babai i të dyshuarit fillimisht ishte në gjendje kritike, pasi ishte plagosur në pjesën e kraharorit.

Autoritetet gjermane janë duke i zhvilluar hetimet. Një i dyshuar është arrestuar.