Disa ushtarë amerikanë dhe sirianë kanë mbetur të plagosur nga të shtënat gjatë një vizite të përbashkët në rajonin shkretinor të Palmyrës në Siri, raporton L’Orient-Le Jour, duke cituar agjencinë zyrtare siriane SANA.
Sipas raportimit, incidenti ndodhi të shtunën, teksa delegacioni po zhvillonte një “inspektim të përbashkët” në zonën që më herët ka qenë nën kontrollin e grupit xhihadist Shteti Islamik.
Agjencia bën me dije se “disa anëtarë të forcave amerikane u plagosën, si edhe dy pjesëtarë të forcave të sigurisë siriane”.
Po sipas të njëjtit burim, personi që hapi zjarr ndaj delegacionit u neutralizua dhe u vra.
Rrethanat e plota të incidentit dhe motivet e sulmit mbeten ende të paqarta.
