E ardhmja e Mohamed Sallahut është në ajër dhe shumë media raportojnë se ndoshta nuk do ta rinovojë kontratën me skuadrën e Liverpullit, e cila skadon në fundin e këtij sezoni.

Edhe vetë lojtari ka dhënë disa sinjale lamtumire. Shumë skuadra të mëdha në Europë kërkojnë që ta transferojnë një prej futbollistëve më të mirë të momentit, por gjithashtu edhe Arabia është një opsion. Interi është futur në listën e gjatë të skuadrave që kërkojnë shërbimet e Sallahut.

Bepe Marota nuk kërkon ta humbasë një mundësi të tillë pasi ai njihet si mjeshtri i goditjeve me zero. Sigurisht që gjatë kësaj kohe do të ketë diskutime për të ardhmen. Ai mund të jetë një dhuratë e madhe për Simone Inzagin.

Do të ishte një rikthim i tij në kampionatin italian, pasi ka luajtur më parë me Fiorentinën dhe Romën.