Sulmet e Iranit ndaj instalimeve ushtarake të SHBA-së në Lindjen e Mesme kanë shkaktuar një dëm të vlerësuar rreth 800 milionë dollarë gjatë dy javëve të para të konfliktit, sipas një analize të re nga Qendra për Studime Strategjike dhe Ndërkombëtare (CSIS) rishikuar, shkruan BBC.
Shumica e shkatërrimeve ndodhën gjatë sulmeve të para hakmarrëse të Iranit në javën pas operacioneve ushtarake të SHBA-së dhe Izraelit. Analiza thekson se shtrirja e plotë e dëmit ndaj pasurive të SHBA-së në rajon mbetet e paqartë, por shifra tejkalon vlerësimet e mëparshme dhe tregon kostot e larta financiare të konfliktit në vazhdim.
Sulmet synuan sistemet e mbrojtjes ajrore dhe komunikimit me satelit të SHBA-së në Jordan, Emiratet e Bashkuara Arabe dhe vende të tjera në Lindjen e Mesme. Një pjesë e madhe e dëmit erdhi nga një sulm ndaj një radari të SHBA-së për sistemin e mbrojtjes me raketa THAAD në një bazë ajrore në Jordan. Vetëm radari AN/TPY-2 vlerësohet rreth 485 milionë dollarë. Dëmet shtesë ndaj ndërtesave, objekteve dhe infrastrukturës tjetër në bazat e SHBA-së dhe aleatëve vlerësohen rreth 310 milionë dollarë./BBC/
