Pas vrasjes së Khameneit, shefi i sigurisë iraniane, Ali Larijani, Sekretar i Këshillit të Lartë Kombëtar të Iranit, tha në një intervistë për IRINN TV se kombi iranian po përjeton një dhimbje të thellë dhe paralajmëroi se SHBA dhe Izraeli do të ndiejnë të njëjtën dhimbje.
“Ky është një moment zie i thellë për popullin iranian. Amerikanët dhe sionistët kanë goditur në zemrën e kombit iranian, dhe ne do të sigurohemi që ata të ndjejnë të njëjtën dhimbje. Ata duhet të dinë se nuk mund të na sulmojnë pa pasoja”, deklaroi Larijani.
Ai shtoi se ish-presidenti amerikan, Donald Trump, u habit nga qëndrueshmëria e popullit iranian, i cili nuk u dorëzua edhe pse ishte i rrethuar nga fuqia ushtarake.
Larijani e përshkroi Khamenein si një figurë të pakrahasueshme dhe theksoi se kombi iranian zotëron një vigjilencë të lindur, duke nënvizuar se do të përballojë çdo udhëkryq historik me krenari.
