Qytetarët e Tetovës po përballen sërish me problemin e hedhjes së pandërgjegjshme të mbeturinave pranë kontejnerëve. Në fotografi mund të shihet një sasi e madhe mbeturinash voluminoze, mobilje të vjetra, dyshekë, goma dhe rroba të lëna direkt në rrugë, duke krijuar një pamje të shëmtuar dhe rrezik potencial për shëndetin e banorëve.
Banorët reagojnë se skena të tilla po bëhen gjithnjë e më të shpeshta, veçanërisht në lagjet ku nuk ka grumbullim të organizuar të mbeturinave voluminoze. Ata apelojnë tek shërbimet kompetente për reagim më të shpejtë dhe pastrim të rregullt, por edhe tek qytetarët që të tregojnë më shumë përgjegjësi ndaj higjienës publike. Problemi me deponitë e egra mbetet një nga sfidat kryesore ekologjike në qytet, ndërsa qytetarët kërkojnë masa konkrete për një mjedis më të pastër dhe më të rregullt./Tema.mk/
