Bota

Kancelari Scholz: Nuk mund ta imagjinoj arrestimin e Netanyahut në Gjermani

April 3, 2025, 02:04

Kancelari gjerman, Olaf Scholz është shprehur se ai nuk pret që kryeministri izraelit, Benjamin Netanyahu të përballet me arrestim në Gjermani, pavarësisht urdhër-arrestit ndërkombëtar për krime lufte në Gaza, transmeton Anadolu.

Gjatë një konference për media në Berlin, kancelari Scholz iu përgjigj pyetjes lidhur me vizitën e diskutueshme të Netanyahut në Hungari dhe nëse kryeministri izraelit mund të vizitojë Berlinin pa rrezikun për arrestim.

“Ne kemi folur për këtë disa herë dhe unë nuk mund ta imagjinoj që një arrestim do të ndodhte në Gjermani”, u tha Scholz gazetarëve pa dhënë më shumë detaje.

Vizita e Netanyhut në Hungari shënon herën e parë që ai shkel në tokë evropiane që nga nëntori i kaluar kur Gjykata Ndërkombëtare Penale (GJNP) lëshoi urdhër-arrest ndaj tij me akuza për krime lufte në Gaza.

Qeveria gjermane, si nënshkruese e Statutit të Romës që nga viti 1998 dhe e njëjta e ratifikuar në vitin 2000, është ligjërisht e detyruar të bashkëpunojë me gjykatën në Hagë, përfshirë ekzekutimin e urdhrave.

Kancelari i ardhshëm i Gjermanisë, konservatori Friedrich Merz, pas zgjedhjeve të 23 shkurtit tha se dëshiron të presë Netanyhun në Berlin, pavarësisht urdhër-arrestit të gjykatës së Hagës.

Duke folur për gazetarët pas telefonatës së Netanyahut për ta uruar për fitoren e tij në zgjedhje, Merz tha se ata diskutuan për një takim të mundshëm pas formimit të qeverisë së re gjermane, që pritet në fund të muajit prill.

“Unë i premtova se do të gjejmë mënyra dhe mjete që ai të mund ta vizitojë Gjermaninë dhe të largohet përsëri pa u arrestuar. Mendoj se është një ide tërësisht absurde se një kryeministër izraelit nuk mund ta vizitojë Republikën Federale të Gjermanisë. Ai do të mund ta vizitojë Gjermaninë”, tha ai.

EVN Online

Tetova1 në Youtube

Mos e humb

IMG_1201
FIFA publikon renditjen e re, Maqedonia pa përparim
IMG_0906
Fitojnë Shkëndija dhe Voska, Struga barazon me Shkupin
IMG_0376
Referi sulmohet fizikisht në një ndeshje futbolli në Stadiumin e Tetovës
IMG_9917
Maqedonia e nis me fitore, Musliu sërish shënon ndaj Lihtenshtajnit
IMG_9881
Zhegrova shumë afër kalimit në Serie A

Më shumë nga kategoria

IMG_9917
Maqedonia e nis me fitore, Musliu sërish shënon ndaj Lihtenshtajnit
IMG_9881
Zhegrova shumë afër kalimit në Serie A
IMG_9878
Ndahet nga jeta në moshën 76-vjeçare legjenda e boksit, George Foreman
IMG_8823
Konfirmohen datat e çerekfinaleve të Ligës së Kampionëve
IMG_1336
Izet Mexhiti priti në takim Adriatik Lapajn (FOTO)
IMG_1333
Arrestohet pronari i një objekti hotelierik në Gostivar
IMG_1330
Rast i rëndë në Gostivar: 15-vjeçari kryen sulm seksual ndaj vajzës së tezes e cila është 5-vjeçare
IMG_1940
VLEN: Amerika nuk i rrit tarifat pa arsye, kjo është pasojë e personave nongrata
IMG_1327
Duhej të fillonte më 30 mars, shtyhet në afat të pacaktuar funksionimi i linjës ajrore Shkup-Dubai
IMG_1326
“Prej 1 prillit ishte i vendosur në dializë”, Taravari konfirmon viktimën e 60 nga tragjedia në Koçan