Mbrëmjen e 22 korrikut, rreth orës 20:30, para një objekti tregtar në rrugën “Nikolla Parapunov” në Gostivar, është raportuar një incident i rëndë. Një 20-vjeçar nga Gostivari ka bërë denoncim në polici duke thënë se një person i panjohur u është afruar atij dhe shokut të tij dhe, në mënyrë kërcënuese, u ka treguar armë zjarri – konkretisht pistoletë.
Denoncimi u bë në ora 21:50 në stacionin policor të Gostivarit, ndërsa forcat e rendit kanë nisur hetimet për identifikimin dhe kapjen e autorit të dyshuar. Ngjarja ka shkaktuar shqetësim tek banorët dhe pritet reagim i shpejtë i autoriteteve për të garantuar sigurinë publike.
