Kreu i Tetovës Bilall Kasami, në DailyClick ka folur rreth ndryshimeve të emrave të rrugëve në Tetovë. Kasami tha se procesi është për emërtimin e rrugëve dhe është gjithëpërfshirës. Pra, siç tha Kasami, këtë proces do ta bartë një Komision, i cili do të përbëhet edhe nga pozita edhe nga opozita ashtu siç do të përbëhet edhe nga shqiptarë e maqedonas.

“Çdo qytetarë, shoqatë apo organizim tjetër do të ketë të drejtë të propozojë emër dhe më pastaj Komisioni do të shqyrtojë të gjithë propozimet. Vizioni im është që projekti të jetë gjithëpërfshirës dhe Tetova të emërohet me emra nga të gjithë komunitetet që jetojnë në Tetovë si shqiptarë, maqedonas, por edhe turq e rom”, tha Kasami.

Ai nënvizoi se shpreson që të gjendet një konsensus me të gjithë partnerët për të realizuar këtë projekt.