Kryetari i Komunës së Tetovës dhe njëri nga krerët e VLEN-it, Bilall Kasami, ka shprehur keqardhje për ndarjen nga jeta të ish-kongresmenit amerikan Eliot Engel, duke e vlerësuar si një mik të madh të shqiptarëve dhe mbështetës të fuqishëm të kauzës shqiptare në Shtetet e Bashkuara, përcjell tetova1
Përmes një postimi, Kasami thekson rolin dhe kontributin e Engel në mbështetje të çështjeve shqiptare, duke i shprehur gjithashtu ngushëllime familjes dhe miqve të tij.
Postimi i plotë:
“Me keqardhje e mora lajmin për ndarjen nga jeta të ish-kongresmenit amerikan, Eliot Engel.
Engel ishte një mik i madh i shqiptarëve dhe kontribues i zëshëm për kauzën shqiptare në SHBA.
Faleminderit Eliot!
Ngushëllime familjes dhe miqve të tij!”, ka përfunduar Kasami./tetova1.mk
