Mbrëmë, në orën 22:14, në SPB Shkup është raportuar një zjarr në një objekt në fshatin Lubin, komuna e Sarajit, në pronësi të 31-vjeçarit A.S. nga fshati Lubin. Një pjesë e objektit ishte dhënë me qira 51-vjeçarit S.A. nga fshati Saraj dhe shfrytëzohej si autoservis.

Nuk ka persona të lënduar, por nga zjarri janë djegur katër automjete të cilat ndodheshin në autoservis.

Zjarri është shuar nga një ekip i Brigadës për Mbrojtje nga Zjarri e Shkupit, ndërsa një ekip hetimor nga SPB Shkup ka kryer inspektimin në vendngjarje.