Në një postim në faqen zyrtare të Facebook-ut, komuna dënon këtë sjellje të papërgjegjshme nga individë që shkatërrojnë hapësirën publike dhe njofton se organet kompetente janë informuar për të hetuar rastin dhe për të ndëshkuar përgjegjësit sipas ligjit.

Ky incident vjen pas përpjekjeve të vazhdueshme për përmirësimin dhe rikonstruksionin e “Rrugës së Butiqeve”. Në dhjetor të vitit 2024, kjo rrugë u lëshua në përdorim pas një projekti të realizuar përmes fondeve evropiane, në bashkëpunim me komunën e Prizrenit, si pjesë e një projekti për bashkëpunim ndërkufitar mes dy komunave. Në këtë rrugë është ndaluar lëvizja e automjeteve, me qëllim krijimin e një zone më të sigurt dhe të këndshme për këmbësorët. 

Komuna e Tetovës bën thirrje për ndërgjegjësim qytetar dhe ruajtjen e infrastrukturës publike, duke theksuar se dëmtimi i pronës publike është i papranueshëm dhe ndëshkohet sipas ligjit.