Një nismë e re dhe shumë domethënëse ka marrë jetë në diasporën shqiptare në Shtetet e Bashkuara të Amerikës: AAGA – Albanian American Gastrointestinal Association (Shoqata Shqiptaro-Amerikane e Gastroenterologjisë).
Kjo shoqatë profesionale është krijuar me qëllimin për të bashkuar mjekët gastroenterologë shqiptarë në SHBA dhe për të ndërtuar ura bashkëpunimi të qëndrueshme me kolegët dhe institucionet shëndetësore në Shqipëri, Kosovë dhe trojet e tjera shqiptare.
AAGA është një organizatë jofitimprurëse që synon:
• përmirësimin e cilësisë së shërbimit gastroenterologjik për komunitetet shqiptare;
• shkëmbimin e dijes, përvojës dhe praktikave më të mira mjekësore;
• organizimin e trajnimeve, konferencave dhe webinareve shkencore;
• fuqizimin e brezit të ri të mjekëve përmes mentorimit dhe edukimit të vazhdueshëm.
Një vizion për shëndetin dhe bashkëpunimin
Shoqata është krijuar nga një grup mjekësh shqiptarë në SHBA me përvojë të gjatë klinike dhe akademike. Vizion i saj është që gastroenterologjia shqiptare të jetë e lidhur ngushtë me zhvillimet më të fundit shkencore botërore, duke kontribuar drejtpërdrejt në rritjen e standardeve të diagnostikimit dhe trajtimit të sëmundjeve të aparatit tretës.
Presidentja e kesaj shoqate, Dr. Zana Nikolla shprehet se:
AAGA do të fokusohet në fusha me rëndësi të veçantë për shëndetin publik, si:
• kanceri kolorektal dhe skriningu i tij,
• sëmundjet inflamatore të zorrëve,
• sëmundjet e mëlçisë,
• refluksi gastroezofageal,
• obeziteti dhe sëmundjet metabolike,
• mikrobioma e zorrës dhe roli i saj në imunitet.
Nje qëllim shumë i rendësishëm i shoqatës është dhe angazhimi për komunitetin shqiptar kudo që ndodhet. Shoqata synon të organizojë fushata ndërgjegjësimi për shëndetin, konsultime edukative për pacientët, si dhe bashkëpunime direkte me spitale universitare dhe qendra shëndetësore në Shqipëri dhe Kosovë.
Gjithashtu, AAGA do të shërbejë si një platformë lidhëse për studime të përbashkëta shkencore, shkëmbime profesionale dhe projekte humanitare.
Ftesë për bashkim dhe bashkëpunim
AAGA i fton të gjithë mjekët gastroenterologë shqiptarë, studentët e mjekësisë, infermierët dhe profesionistët e shëndetit që të bëhen pjesë e kësaj nisme, duke kontribuar me dijen, përvojën dhe pasionin e tyre.
Kjo shoqatë është një dëshmi konkrete se diaspora shqiptare jo vetëm që ruan lidhjen me atdheun, por investon aktivisht në të ardhmen e shëndetit të kombit.
Në linkun më poshtë e keni mundësine të antarsoheni: https://docs.google.com/forms/d/e/1FAIpQLSeoXMEC4vPaawwQMCtmk7p3pNTRv6T1Dmwp6VMPVrSLrqTQzw/viewform
Këtu na gjeni në Facebook:
Këtu na gjeni në Linkedin:
