Ambasadorja amerikane në Shkup, Angela Price Aggeler në intervistë për Sitel ka deklaruar se ka shumë emra të cilët po filtrohen e që mund të jenë në listën e zezë amerikane. Sipas Aggeler, Departamenti Amerikan i Thesarit dhe DASH pon shqyrtojnë shumë raste ku lidhen emra të mëdhenj.

Ambasadorja Aggeler tha se nuk mund të jepet një datë konkrete për se kur pritet publikimi i emrit ose emrave të personave që do të jenë nën sanksionet e SHBA-ve. Së fundit në listën e zezë amerikane u përfshi familja e Orce Kamçev, ndërsa paraprakisht kryetari i Strugës, Ramiz Merko dhe familja e tij. Ky i fundit në listën e zezë u fut për shkak të ndikimeve në vendimet gjyqësore dhe dyshimeve të bazuara për afera korruptive. /Alsat.mk