Në kuadër të projektit ‘My Identity’ sot fëmijët e Tetovës patën mundësi të ndjekin ‘Magic Show’ nga grupi i xhoglerave në shfaqen e organizuar nga Shoqata Green Art House dhe produksioni Oda.

Shfaqja u realizua në qendrën për kulturë në Tetovë e cila ishte vërshuar nga fëmijët që shijuan cdo segment të shfaqes akrobatike nga aktorët. Xhonglimi dhe akrobatika janë funskione atraktaive të vazhdueshme ndërmjetë aktorëve dhe publikut. Lëvizjet në skenë dhe komunikimi me publikun krijuar një atmosferë të këndëshme.

Shfaqja është e dedikuar për nxënësit e shkollave fillore dhe ajo që është me rëndësi është që fëmijët ngadalë ti mësojmë ti ndjekin institucionet kulturore. Qëllimi i këtij projekti është që nëpërmjetë aktiviteteve të ndryshme kulturore fëmijët të jenë në rrjedha me krijimtarinë kulturore që në moshë të hershme” u shkreh Artan Ismaili.

Një kombinim i jashtazakonshëm i lojës dhe akrobacioni i ndjekur nga ndërmveprimi i vazhdueshëm me publikun, dhe nga gjithë kjo vjen një shfaqje jashtëzakonisht argëtuese spektakolare me ndërthurje të shumta të aftësive teknke dhe talentit artistik unik dhe stilit të veçant teatror lanë publikun pa fjalë.

Projekti “My Identity” fillimisht është shfaqur për nxënësit e shkollave fillore në komunën e Tearcës, më pas në Pallatin e Kulturës në Tetovë për të vazhduar në komunat tjera me qëllim që të përfshijë të gjithë nxënësit e shkollave fillore. Ky projekt është mbështetur Nga Ministria për Sistem politik dhe realizohet nga shoqata GREEN ART HOUSE në bashkëpunim me produksionin ODA. /Tetova1