Një tjetër rast mashtrimi është regjistruar në SPB Tetovë, ku një 61-vjeçar nga Kosova ka raportuar më 26 qershor, rreth orës 12:40, se është viktimë e një mashtrimi që daton që nga muaji shkurt i këtij viti. Sipas denoncimit, ai ishte kontaktuar nga dy persona me inicialet A.D. dhe S.D., të cilët i ishin prezantuar si pronarë të një kompanie transporti.
Ata kishin rënë dakord që t’i kryenin transportin e një sasie mallrash për një pagesë prej 3.800 eurosh. Por, pas kryerjes së pagesës, shërbimi nuk ishte ofruar kurrë dhe kontaktet me personat në fjalë ishin ndërprerë. Duke mos arritur të marrë përgjigje, ai vendosi ta raportojë rastin në polici.
Policia ka hapur hetim dhe po ndërmerr veprime për dokumentimin e plotë të rastit dhe ndjekjen ligjore të personave përgjegjës për mashtrimin.
