I shoqëruar nga krerët e koalicionit VLEN, Kryetari i Komunës së Tearcës, Daut Memishi, ka vizituar Kullën e Jasharajve, një nga simbolet më të fuqishme të qëndresës dhe sakrificës për lirinë e Kosovës.
Përmes një njoftimi në rrjetet sociale, ai ka theksuar emocionet dhe respektin e veçantë gjatë kësaj vizite, duke kujtuar rolin historik të Familja Jashari dhe sakrificën e tyre për liri.
Njoftimi i plotë:
“Vizitë me shumë emocion dhe respekt në Kullat e Jasharajve simbol i qëndresës, sakrificës dhe krenarisë kombëtare.
Mikpritja dhe fjala e ngrohtë e bacës Rifat na rikujtuan edhe një herë madhështinë e historisë dhe sakrificën për liri.
Lavdi e përjetshme familjes Jashari dhe të gjithë dëshmorëve që i dhanë jetë lirisë së Kosovës. 🇽🇰“, përfundon Memishi.
