Herët në mëngjesin e 3 gushtit 2025, rreth orës 05:30, në fshatin Pallçisht i Poshtëm, një patrullë e Trafikut Rrugor të Tetovës ka ndaluar një veturë që lëvizte me shpejtësi të dyfishtë nga e lejuara.
S.I. (67) nga Kamjani, po drejtonte një “Mercedes” me targa të Tetovës me 101 km/h në një zonë ku kufiri i lejuar ishte 50 km/h. Pas ndalimit, ndaj tij janë ndërmarrë procedurat përkatëse dhe pritet kallëzim penal për “drejtim të pakujdesshëm të automjetit”, bazuar në nenin 297-a të Kodit Penal.
Autoritetet theksojnë se siguria në trafik është prioritet dhe çdo shkelje serioze do të trajtohet me zero tolerancë.
