Megjithatë, pavarësisht pranverës më të ngrohtë, herë pas here mund të shfaqen valë të vonuara dimri, pra periudha të shkurtra me temperatura më të ulëta, përcjell tetova1
Sipas materialeve të parashikimit sezonal, pranvera e ardhshme në Maqedoninë e Veriut pritet të jetë mbi mesataren për nga temperaturat, me ajër rreth 0.5 deri në 1 gradë më të ngrohtë se mesatarja. Kjo do të ndikojë në zgjimin më të shpejtë të natyrës dhe në lulëzimin më të hershëm të bimëve.
Megjithatë, pavarësisht temperaturave më të larta, është e mundur që herë pas here të paraqiten valë të vonuara dimri, me periudha të shkurtra të ftohti. Këto kushte mund të sjellin ngrica në orët e mëngjesit, sidomos në fund të marsit dhe në fillim të prillit.
Për shkak të zgjimit të hershëm të natyrës, kjo situatë mund të përbëjë rrezik për pemët frutore, pasi ekziston mundësia e dëmtimit nga ngricat pas lulëzimit të hershëm.
Sa i përket reshjeve, ato pritet të jenë rreth mesatares për muajt e pranverës, me periudha të herëpashershme me shi dhe lokalisht reshje më të dendura. Megjithatë, sipas parashikimeve aktuale, nuk pritet rrezik i shtuar nga përmbytjet.
Duke qenë se bëhet fjalë për një parashikim sezonal, mund të ketë ndryshime gjatë periudhës, prandaj rekomandohet ndjekja e analizave afatshkurtra meteorologjike, të cilat janë më të sakta./tetova1.mk
