Kryeministri Hristijan Mickoski deklaroi sot se kanë zbuluar se vetëm 12 licenca janë lëshuar në vitin 2024 për kabare, ndërsa nuk dihet se sa prej tyre ende e kanë valide për shkak se ato vlejnë 12 muaj.

“Na pret shumë punë, është e dukshme se dikush nuk e ka bërë punën dhe tani po tenton nën gjoja ndonjë politizimi të fsheh punën kriminale që e ka bërë përderisa e ka udhëhequr atë institucion.

Nuk do të ketë mëshirë, këtë e kam thënë edhe mbrëmë po e përsëris edhe sot, kushdo qoftë, nga cilado përkatësi etnike dhe partiake. Ajo që ka ndodhë është më shumë se krim, do të thoja: vrasje masive e cila dikush e ka lejuar për para, mito dhe korrupsion që të ndodh”, tha Mickoski, raporton SHENJA.