Kryeministri i vendit, Hristjan Mickoski në paraqitjen e sotme para mediave bëri të ditur se është duke u zhvilluar aksion nga Inspektorati Shtetëror i Tregut në të gjithë territorin e vendit, transmeton TV21. Mickoski bëri të ditur se çdo objekt që nuk i plotëson minimum kushtet minimale nuk do të funksionojë, do të mbyllet dhe do të sanksionohet.

“Për momentin është duke u zhvilluar aksion nga Inspektorati Shtetëror i Tregut në të gjithë territorin e vendit, dhe nëse sipas Ligjit për hotelieri, licencohen “kabaret”, licencohen diskotekat e hapura dhe të mbyllura. Më 2007 është ndryshuar ligji, në atë ndryshim ligjor, dokumentet që i plotëson personi juridik që kërkon licencë, е plotëson se i përmbush kushtet. Por problemi çka është më pas nuk kontrollohen ato dokumente. Për shembull ky objek me atë hapësirë nuk mundet të jetë kabare dhe të kërkojë licencë për kabare. Dhe rrini të sigurt se çdo objekt që nuk i plotëson kushtet ashtu siç i kërkon ligji, minimum kushtet teknike nuk do të mund të funksionojë. Do të bëhet kontrollë e detajuar, dhe të gjithë ato që nuk i plotësojnë kushtet sipas ligjit, do të mbyllen dhe do të sanksionohen”, theksoi kryeministri Hristijan Mickoski.