Kryeministri Hristijan Mickoski njoftoi sot nga Koçani se do të ketë një ulje të çmimeve të derivateve të naftës për më shumë se 2 denarë. Sipas kryeministrit, në bashkëpunim me Ministrinë e Energjisë dhe Burimeve Minerale, është punuar me furnizuesin OKTA, i cili do t’u ofrojë kompanive bashkëpunëtore një zbritje prej rreth 45-50 dollarë për ton. Siç thotë Mickoski, kjo do të përkthehet në një ulje prej 2 denarësh për litër.
— Kam biseduar edhe me një pjesë të madhe të pronarëve të pompave të benzinës, të cilët deklaruan se këtë zbritje do t’ua kalojnë konsumatorëve fundorë. Kështu që, duke qenë se KRRE (Komisioni Rregullator për Energjetikë) përcakton çmimin maksimal, pres që pasi kjo të bëhet publike, gjatë ditës derivatet e naftës të lirohen për 2.5 denarë. Në vlerë monetare, kjo do të thotë se një litër naftë (dizel) do të kushtojë një euro e 35 cent, tha Mickoski.
Mickoski gjithashtu informoi se të hënën e kaluar është shënuar piku më i lartë i furnizimit me naftë dhe derivate të naftës në Maqedoni. Sipas tij, shifra ka arritur në 2 milionë litra.
