Ministri i Jashtëm turk, Hakan Fidan, tha se Irani dhe SHBA-të janë “të sinqerta për armëpushim”, por paralajmëroi se Izraeli mund ta prishë procesin.
Fidan tha se bota dëshiron lundrim të lirë dhe të pandërprerë përmes Ngushticës së Hormuzit.
“Turqia mbështet rihapjen e Ngushticës së Hormuzit me mjete paqësore, ndërhyrja e armatosur ndërkombëtare do të përballej me sfida serioze”, tha ai.
Fidan thotë se veprimet e Izraelit në Liban i ngjajnë Gazës dhe e akuzoi atë për shkatërrimin e banesave dhe infrastrukturës në ‘fushatën e shpopullimit’.
Ai shtoi se sulmet izraelite në Siri krijojnë ‘zonë të madhe problematike’, paraqesin ‘rrezik serioz’ për Turqinë.
Sipas tij, Izraeli po përmbahet nga veprime të caktuara në Siri për shkak të luftës me Iranin, por paralajmëron se ‘mund të veprojë kur kushtet ta lejojnë’.
“Vendet e Lindjes së Mesme duhet të angazhohen për integritetin territorial, sovranitetin dhe sigurinë e njëra-tjetrës ‘nën një pakt sigurie rajonale’. Ne shohim se Izraeli mund të kërkojë ta caktojë Turqinë si një kundërshtar të ri pas Iranit, pasi nuk mund ta mbajë veten pa një armik. Bashkëpunimi midis Greqisë, Administratës Greke Qipriote dhe Izraelit ‘nuk sjell më shumë besim, por sjell më shumë mosbesim. Sjell më shumë probleme dhe luftë’. Samiti i NATO-s që do të mbahet në Ankara mund të jetë “një nga më të rëndësishmit në historinë e aleancës. Vendet e NATO-s duhet ta shohin samitin e ardhshëm në Ankara si një mundësi “për të sistematizuar marrëdhëniet NATO-SHBA”, u shpreh Fidan.
