Ministria e Punëve të Brendshme do të ndërpresë bashkëpunimin me kompaninë serbe “Pamitex Team”, e cila ishte përgjegjëse për furnizimin me uniforma njëngjyrëshe për njësitë speciale të policisë. Lajmin e ka bërë të ditur ministri Pançe Toshkovski në një intervistë për “360 shkallë”.
Vendimi vjen pas një super-analize të kryer jashtë vendit, e cila vërtetoi se mostrat e dorëzuara nuk përmbushnin standardet e cilësisë të përcaktuara në dokumentacionin e tenderit. Përveç shkëputjes së marrëveshjes kornizë, MPB do të aktivizojë edhe garancinë bankare të kompanisë.
Ndryshe nga ky furnizim, procesi për uniformat kamuflazh të njësive speciale është realizuar me sukses përmes kompanisë nga Manastiri, “Le Brand”. Edhe pse pati vonesa në afate, Ministria sqaron se ato ishin në përputhje me procedurat ligjore dhe zyrtarët policorë tashmë i përdorin ato dhe janë të kënaqur me cilësinë.(INA)
