Një grua shtatëdhjetëvjeçare nga fshati Mislodezhdë i Strugës ka humbur jetën në një aksident të rëndë komunikacioni që ka ndodhur pasditen e djeshme në Strugë.
Sipas informacioneve nga policia, aksidenti është denoncuar më datë 21.02.2026 rreth orës 16:30.
Në rrugën “Strushki Kepenci”, një automjet transportues i markës “Iveco” me targa të Strugës, i drejtuar nga 57-vjeçari N.O. nga Struga, ka goditur këmbësoren me iniciale I.I. (70 vjeç).
Pas përplasjes, gruaja është dërguar menjëherë në Qendrën Mjekësore në Strugë për t’i dhënë ndihmën mjekësore, por fatkeqësisht, më vonë u ka bërë ballë plagëve të marra.
Ekipi i inspektimit nga Departamenti i Punëve të Brendshme (OVB) Strugë ka kryer këqyrjen e vendit të ngjarjes, ndërsa pak orë më vonë, në ora 21:40, zyrtarët policorë kanë privuar nga liria shoferin N.O. Pas dokumentimit të plotë të rastit, ndaj tij do të vijojë parashtresa përkatëse.
