Qeveria po përgatit ndryshime ligjore që do të rrisin kontrollin mbi sektorët e gastronomisë dhe ndërtimit. Sipas këtyre ndryshimeve, marrja e licencës do të varet nga inspektimi paraprak nga Inspektorati i Tregut dhe institucionet e tjera përkatëse.
Rregulla të reja për objektet gastronomike
Para se të marrin licencë, gastronomët do të duhet:
• Të dorëzojnë një kërkesë tek kryetari i komunës, Inspektorati, Drejtoria për Mbrojtje dhe Shpëtim, Agjencia për Ushqim dhe Veterinarinë dhe institucione të tjera.
• Të kalojnë një kontroll të detajuar për përmbushjen e të gjitha standardeve.
• Të respektojnë dënime më të ashpra për mosrespektimin e rregullave.
Kontrolle të rrepta dhe në sektorin e ndërtimit
Nga 3,100 kompani të licencuara, janë gjetur parregullsi tek 479, ndaj të cilave janë marrë masa për heqjen e licencës. Ministri Nikoloski njoftoi se do të ketë kontrolla të detyrueshme çdo gjashtë muaj, në vend të inspektimeve vullnetarë si më parë. Kontrollat do të përfshijnë numrin e punonjësve, ndërsa cilësia e punës do të jetë subjekt i një mbikëqyrjeje të veçantë.
Qëllimi i reformave
Rritja e sigurisë dhe cilësisë në të dy sektorët. Parandalimi i parregullsive gjatë operimeve. Një sistem më transparent për lëshimin e licencave.
Pritshmëritë janë që ndryshimet e reja do të kontribuojnë në përmirësimin e shërbimeve gastronomike dhe ndërtimore në vend.
Më parë, ministri Aleksandar Nikoloski ka informuar lidhur me këto heqje licencash gjatë një intervistë në televizionin Sitel. Më shumë mund të lexoni në linkun në vijim:
Ministria e Transportit dhe Lidhjeve ka kryer inspektime për mbi 3,100 licenca. Zëvendëskryeministri tha se aktualisht po bëhet një verifikim i të gjitha licencave dhe autorizimeve të lëshuara. Objektet gastronomike dhe ndërtimore nuk do të funksionojnë më “siç kanë funksionuar deri tani.
