Në Islamabad ka kaluar mesnata dhe ende nuk ka asnjë deklaratë zyrtare apo njoftim për shtyp nga bisedimet midis negociatorëve amerikanë dhe iranianë në Pakistan. Informacioni i pakët që ka rrjedhur nga pala iraniane ka lënë të kuptohet disa nga pikat e ngërçit.
Një burim pranë ekipit negociator të Teheranit i tha CNN sot se SHBA-të kanë bërë “kërkesa të papranueshme” mbi Ngushticën e Hormuzit dhe disa çështje të tjera.
Tentori i raportimit të medias iraniane është i ngjashëm. Agjencia gjysmëzyrtare e lajmeve Mehr raporton se SHBA-të kanë bërë kërkesa të tepërta ndaj bashkëbiseduesve të tyre iranianë.
“Draft-tekstet janë shkëmbyer midis delegacioneve iraniane dhe amerikane, por raportet tregojnë se “kërkesat e tepërta” të SHBA-së kanë penguar përparimin, pa shenja përparimi dhe me dallime serioze që mbeten ndërsa bisedimet shtrihen deri në orët e para të mëngjesit të së dielës“, raportoi televizioni shtetëror iranian nga Islamabadi.
Agjencia shtetërore e mediave IRIB shkroi një rresht duke thënë se SHBA-të po ndërmarrin një qasje tepër të zellshme në këtë raund bisedimesh.
Megjithatë ende nuk ka ndonjë njoftim zyrtar nga bisedimet SHBA-Iran. Pavarësisht ngecjeve bisedimet raportohet se po vijojnë dhe se mund të zgjasin deri vonë.
