Një prani e madhe policore, forca speciale në terren dhe një veprim i koordinuar kundër botës së drogës zgjuan opinionin sot herët në mëngjes.
Jozyrtarisht, Ministria e Brendshme – Byroja e Sigurisë Publike, përmes Departamentit për Krim të Organizuar, së bashku me forcat speciale të policisë dhe në koordinim me Prokurorinë Publike për Krim të Organizuar, po kryen një aksion masiv në Shkup, Shtip, Strumicë, si dhe në fshatin Gërçec – rajoni i Shkupit, informon Kurir-përcjell Tetova1..
Një rrjet kriminal i lidhur me tregtinë e paligjshme të kokainës është nën sulm dhe, sipas informacioneve fillestare, po kryhen kontrolle në rreth 15 lokacione dhe janë arrestuar disa persona nga bota kriminale
Jozyrtarisht, emra të njohur në qarqet kriminale dyshohet se kanë rënë në duart e policisë, përfshirë Pokrajçevaliev, Bojadziski, Kocev dhe Vele, me nofkën “Demi”.
Pritet konfirmim zyrtar nga institucionet, por nëse informacioni konfirmohet, kjo do të thotë se policia po depërton seriozisht aty ku rrallë ka shkelur për vite me radhë.
Sipas burimeve të sigurisë, ky është një veprim pa dallim dhe një goditje e drejtpërdrejtë ndaj strukturave që kanë vepruar prej kohësh në hije. Disa analistë vlerësojnë se ky është një “lërim” mjaft i thellë nëpër nëntokë në vitet e fundit, që është një sinjal se lufta kundër krimit të drogës po hyn në një fazë të re, më agresive./tetova1/
