Bujar Osmani ka reaguar ndaj VLEN duke e quajtur “kënetë politike”
“E quajta politikën e LEN një kënetë politike se ata nuk flasin për politika, nuk krahasojnë politika, nuk kritikojnë politika, nuk thonë “populli ka nevojë për këtë, ne ofrojmë atë, qasja jonë është më e mirë përshkak të kësaj…”
Ata vetëm ofendojnë, shpifin, pështyjnë, helmojnë dhe ndotin debatin publik.
Dhe sot, me reagimin e tyre, ranë në kurthin që unë e paralajmërova — vetë konfirmuan se janë pikërisht kjo.
Ne do të vazhdojmë të mbajmë nivelin mbi këtë. Nuk do të biem në fyerje e shpifje. Ne do të vazhdojmë t’u japim njerëzve analiza dhe opsione politike. Ndoshta nuk do jenë perfekte, por do jenë me respekt për ta dhe me synim t’u përmirësojmë jetën.
Kjo është politika që i duhet vendit” – ka shkruar Bujar Osmani. /tetova1/
