Blegtorët janë në hall. Nuk gjejnë dot punëtorë, çoban për të ruajtur bagëtitë.Thonë se në Pollog edhe pse ka tokë bujqësore, ajo nuk është me sipërfaqe të madhe. Tregojnë se ka parcela të vogla që nuk sjellin shumë produkte.
“Për momentin për të qenë rentalbil në bujqësi duhet të jesh prodhues i kufizuar me minimal nuk mund të jesh rentabil, unë mund ta them lirisht se me 3 lopë, 5 por edhe 10 nuk mund të jesh rentabil dhe për këtë nevojitet një kosto shumë e lartë dhe një përvojë që mund t’u mbijetosh edhe sfidave siç janë kushteve klimatike, siç janë thatësirat, shirave, duhet të jesh i përgatitur për t’u mbijetuar këtyre sfidave.”- thotë Fatir Ahmeti – Blegtor.
Blegtorët janë të kënaqur me përkrahjen që marrin, por shtojnë se procedurat burokratike dhe vonesat e shumta e komplikojnë punën.
“Në programet e 2024 kishte ndryshime në blegtori sidomos të fermave veçanërisht të lopëve qumështore, kishte rritje trefish dhe nga viti kaluar kishte subvencionin e qumështit nga 3.5 denarë në 5 denarë, gjë që është pozitive, por nga ana tjetër masat për zhvillim rural për bujq të rinj dhe pajisje bujqësore, kanë vonesa shumë procedura administrative stërzgjatje dhe kjo e komplikon punën.”
Remzi Abdullau nga Agjencia për financim dhe përkrahje të bujqve dhe rajoneve rurale thotë se tashmë kanë filluar takimet me bujqit në komunat rurale për t’i njoftuar se si të aplikojnë në fondet IPA. Në Maqedoni një çoban ka rrogë rreth 800 euro dhe për këtë ka edhe përkrahje, por problemi është se deri më tani këtë e shfrytëzojnë vetëm 60 çobanë në nivel republikan.
“Mendoj se shumë letë duhet të jetë si bujk i paraqitur në Ministrinë e Bujqësisë dhe në bazë të atyre të dhënave dhe me numrin që e ka mund të bëj aplikimin dhe mendoj se çdo bujk mund ta bëjë aplikimin. Ne jemi munduar që të japim edhe për barinj edhe kemi arritur që nga 500 euro të kalojnë më 800 euro që të kenë mbështetje nga Agjencia për mbështetje financiare dhe zhvillim rural. Numri është 60 por kjo nuk varet nga Agjencia dhe varet nga personat që duan t’i paraqesin ata persona apo nuk duan.”- thotë Remzi Abdullau, Agjencia për Zhvillim Rural.
Migrimi dhe çmimet jostabile të produkteve kanë bërë që shumë bujq dhe blegtorë të shesin bagëtitë e tyre. Në rajonin e Pollogut problem tjetër me të cilin ndeshen bujqit është sistemi i ujitjes. Shumë toka nuk kanë mundësi të ujiten për shkak të ndërtimeve dhe vjetërsimit të sistemit të ujitjes.
