Të paktën 30 aktivistë janë arrestuar nga policia turke në qendër të Stambollit, ndërsa përpiqeshin të merrnin pjesë në një Parade Krenarie LGBTQI, e cila ishte e ndaluar nga autoritetet. Pamjet e agjencisë Reuters tregojnë përleshje mes policisë dhe aktivistëve që mbanin flamuj shumëngjyrësh, përpara se të shoqëroheshin me furgonë policie.
Deputetja Kezban Konukcu e partisë pro-kurde DEM, që ishte e pranishme, konfirmoi se arrestimet arritën në të paktën 30 persona.
Turqia ka ndaluar zyrtarisht Paradat Krenare që prej disa vitesh, duke u justifikuar me arsye të sigurisë publike. Aktivistët, nga ana tjetër, e konsiderojnë këtë represion të qëllimshëm ndaj të drejtave të komunitetit LGBTQI.
