Sektori i Punëve të Brendshme të Tetovës, për momentin është duke zhvilluar kontroll në tre lokacione në Tetovë e rrethinë, ku janë kapur një numër i madh i gjësendeve të vjedhura brenda muajve. Fjala është për aparatura të ndryshme teknik të bardhe e orendi të tjera që dy hajna, përgjatë disa muajve i kanë vjedhur nëpër objekte të ndryshme banimi në Tetovë por edhe nëpër dyqane.

Sipas të dhënave të Televizionit Alsat, aksioni kontrollues i policisë nëpër disa objekte ky është dyshuar se mbahen aparaturat dhe gjësendet tjera që janë vjedhura në të kaluarën, ka ardhur pas arrestimit të dy hajnave, njëri nga Tetova, konkretisht nga lagja Drenoc dhe tjetri nga fshati Uzurmisht. Dy personat vjedhjet i kanë kryer gjatë muajve të kaluar por kanë qenë në bashkëpunim me njëri tjetrin në kryerjen e vjedhjeve.

Nga informatat e Televizionit Alsat, merret vesh se aksioni do të vazhdojë edhe më tej, për të kontrolluar edhe disa vende të tjera, ku dyshohet se kanë fshehur teknikën e bardhe dhe aparaturat tjera të vjedhura nga hajnat e që janë deponuar për shitje. /Alsat.mk