Një djalë trevjeçar nga Britania e Madhe ka humbur jetën në mënyrë tragjike pasi ra në një pishinë gjatë pushimeve me familjen në afërsi të Costa del Sol, në Spanjë.
Alarmi u dha rreth orës 08:30 të mëngjesit në një shtëpi pushimi rurale në fshatin Periana, i cili ndodhet në rajonin La Axarquaa, rreth 50 kilometra në verilindje të Malaga. Fëmija po qëndronte aty së bashku me prindërit e tij, shkruan Mirror, transmeton Klankosova.tv.
Menjëherë pas njoftimit, në vendngjarje mbërritën forcat e policisë dhe ekipet e urgjencës mjekësore, ndërsa u angazhua edhe një helikopter për të ndihmuar operacionin e shpëtimit.
Pavarësisht përpjekjeve të ekipeve të emergjencës, jeta e vogëlushit nuk mundi të shpëtohej dhe ai u shpall i vdekur në vendngjarje.
