Viti 2025 ka shënuar numër rekord të dhuruesve të gjakut në Maqedoni me 60,222 dhurues. Për të mundësuar kushte më të mira, si të mjediseve po ashtu edhe të pajisjeve, u rinovua reparti i Transfuzionit në Tetovë.
“Renovimi i këtij objekti ka filluar në vitin 2024 dhe ka përfunduar tani dhe tani hapim edhe zyrtarisht objektin e transfuzionit të gjakut. Është një qendër ndër më të mëdha në nivel të shtetit pasi që njësia e transfuzionit ka katër qendra të Manastirit, Shtipit, të Tetovë dhe qendrën në Shkup, ku shërbehen në mënyrë ambulatore gjithashtu dhe grumbullohet gjak edhe përpunohet në qendrën e Tetovës. Vitin që lamë pas ishte viti ku arritëm rekord të numrit të dhuruesve të gjakut, 60,222 dhurues të gjakut në Republikën e Maqedonisë së Veriut”, tha Amir Elezi – Drejtorit i Institutit Transfuzionit.
Ministri i Shëndetësisë, Azir Aliu, tha se përpos hapësirave moderne, ka edhe teknologji të avancuar, ndërsa ai pret që së shpejti të hapet edhe konkursi për punësim që kjo qendër të plotëson mungesat e kuadrit që i ka.
“Sot jemi këtu për inauguruar edhe hapësirat në transfuzionit që janë edhe në aspekt fizik dhe teknologjik modern dhe me nevojat që i kemi në Tetovë, është një qendra regjionale që jep shërbime për këtë pjesë të shtetit. Urojmë edhe në shtyllën e dytë të kapaciteteve njerëzore, shumë shpejtë do të hapet edhe procedura për punësimi e mjekëve dhe motrave medicinale, me qëllim që të kemi edhe kapacitete njerëzore me nevojat që kemi këtu në Tetovë”, tha Azir Aliu – ministër i Shëndetësisë.
Deri më tani reparti i transfuzionit ka qenë i vendosur në objektin kirurgjikal në spitalin e Tetovës, ndërsa në ato hapësira tani do të vendoset kirurgjia torakale.
