Koalicioni VLEN është në fazën finale të përgatitjes së propozim ligjit për ish ushtarët e UÇK-së. Këtë e konfirmoi në intervistë për Alsat deputeti Rijad Shaqiri. Ai tha se edhepse nuk ka një marrëveshje me partnerët e koalicionit, me VMRO DPMNE-në, këtë ligj do ta fusin në procedurë parlamentare.

“Për hir të realitetit ju dhash ju personalisht qasje në telefon se jemi në fazën përfundimtare të ligjit për ish ushtarët e UÇK-së, nuk e thënë për demagogji. Atë që e kam thënë jam në fazë përfundimtare, jam duke punuar me djemtë në kuadër të Kuvendit”, tha Rijad Shaqiri, deputet.

A ka vullnet politik z.Shaqiri?

“Unë e di se do të jetë vështirë që të sigurohet vullneti politik, por së paku duhet të fillojë nga diku, duhet ta fusim në procedurë, a përfundon pozitivisht apo jo?”, u përgjigj Shaqiri.

Mendoni se do ta fusni në procedurë pa diskutuar me partnerët e koalicionit?

“Dihet mirëfilli se qëndrimi i palës maqedone nuk mund të jetë asnjëherë dakord për një ligj të tillë, sa mund të jetë dakordësia nga ana e shqiptarëve për ligjin e branitellave edhe për faktin se garniturat paraprake për 7 herë e kanë votuar këtë ligj për branitellat. Mirëpo ato asnjëherë nuk e kanë kushtëzuar që në kuadër të atij ligji të futen edhe ushtarët e UÇK-së”, nënvizoi Shaqiri.

Ju thatë se e keni gati, do ta dorëzoni NË Kuvend, a ka pajtueshmëri, a janë të informuar z.Mexzhiti, z.Gashi

“Partnerët e VLEN-it janë të gjithë dakord rreth këtij ligji dhe me vet faktin që edhe firmat që do ti firmosin deputetët e dëshmon?”, u përgjgij Shaqiri.

Do të thotë se ju si VLEN me VMRO-në nuk e keni ngritur këtë çështje?

“Nuk kemi, do ta bisedojmë, nëse ata nuk janë dakord në do ta fusim në procedurë parlamentare shohim e bëjmë”, u përgjigj Rijad Shaqiri, deputet. /Alsat.mk