Një avion i kompanisë “EasyJet”, i cili ishte nisur nga Londra, është detyruar të bëjë një ulje të jashtëzakonshme në Aeroportin e Prishtinës, si pasojë e një sherri të dhunshëm në bord.
Sipas raportimeve nga *Daily Mail*, zanafilla e incidentit ishte një pasagjere—e cila besohet të jetë britanike—që po konsumonte vodkë direkt nga shishja. Situata u degradua kur ajo nisi të pështynte në fytyrë një pasagjer tjetër.
Në pamjet e regjistruara brenda në avion, gruaja shihet duke tentuar të godasë fizikisht pasagjerët në korridorin e mjetit fluturues. Për të vënë situatën nën kontroll, u desh ndërhyrja e menjëhershme e ekuipazhit të kabinës dhe e dy pasagjerëve burra, të cilët u munduan ta neutralizonin gruan deri në uljen e avionit në kryeqytetin e Kosovës.
Trending
