Fenomene devijuese dhe vjedhje që mund të vënë në rrezik banorët e Komunës së Gjorçe Petrovit janë pothuajse dukuri e përditshme. Ka vjedhje të shpeshta të kapakëve të shtyllave të ndriçimit rrugor, të cilat më pas rishiten si hekur i vjetër. Për shkak të këtyre vjedhjeve, kutitë në të cilat vendosen qarqet elektrike në banderola ku ka tension të lartë të energjisë elektrike qëndrojnë të hapura në rrugë, dhe qytetarët nuk ndihen të sigurt.

“Kjo është kështu tashmë 20 vjet, ata bëjnë të njëjtën gjë, kështu që po, dhe çfarë tjetër.. (ka reagime nga kompetentët?) Çfarëdo reagimi, edhe të ketë reagime kur njerëzit janë në mjerim, të varfër, kjo është”, tha një banor.

“Duhet pak në këtë nxehtësi për të shkaktuar katastrofë(Autoritetet reagojnë, diçka po ndërmerret?) Pra, mendoj se këtu në Gjorçe reagojne, por nuk arrijnë dot. Ata reagojnë, ka kujdestari këtu, ka, ata ecin, ata ndryshojnë llambat, por kjo është një gjë e tmerrshme”, u shpreh një banor.

Kryetari i Komunës së Gjorçe Petrovit Aleksandar Stojkoski konfirmon se këto vjedhje janë të zakonshme dhe ndodhin rregullisht. Ai pretendon se komuna ka bashkëpunim me policinë, shprehet se reagon ndaj denoncimeve nga qytetarët, por sqaron se këto raste janë më të vështira për t’u pastruar.

“Kjo është e vështirë të dëshmohet, ne jemi në koordinim me stacionin policor në Gjorçe Petrov, por nëse nuk e kapni në flagrancë është e vështirë të dëshmohet, këtu një rol të madh luajnë skrapët për hekurin e vjetër që nuk duhet të blejnë kapakë të tillë, nëse nuk i blejnë, nuk do të vidhen sepse nuk mund t’i arkëtojnë, sepse kryesisht bëhet fjalë për përfitim material, por dëmi që bëjnë është më i madh”, deklaroi Aleksandar Stojkovski, Kryetar i Komunës së Gjorçe Petrovit.

Stojkovski kujton se në të kaluarën janë vjedhur edhe kapakët e pusetave, sende të ndryshme metalike, madje edhe çezma të automatizuara. /Alsat.mk