Njihuni me Desard Muzhaqi, kandidat për deputet i propozuar nga subjekti zgjedhor Partia “Koalicioni Euroatlantik”, Qarku Elbasan, për zgjedhjet për Kuvend të datës 11 maj 2025.

“Fatkeqësisht, tranzicioni i vështirë na detyroi të braktisim atdheun tonë dhe të përballojmë sfidat e emigracionit. Rrugët e Evropës na panë të rropateshim për një jetë më të mirë, duke përjetuar vështirësi të panumërta, por gjithmonë me shpresën për t’u rikthyer dhe për të ndërtuar një të ardhme më të ndritur për vendin tonë” – shkruan Desardi.

Desardi vjen nga një familje e persekutuar, njeri i vlerave dhe vyrtiteve të larta. Studimet e larta i kreu në Universitetin e Tetovës në drejtimin Juridik.

Desardi beson se ky qark dhe çdo qytetar i tij meriton një përfaqësues të denjë, të afërt dhe te angazhuar për ndryshimin e vërtetë.

“Prej vitesh, e kemi parë se si politika ka dështuar të përfaqësojë interesat e qytetarëve. Korrupsioni, nepotizmi dhe mungesa e transparencës kanë mbajtur peng zhvillimin e Shqipërisë dhe kanë detyruar shumë të rinj e familje të kërkojnë një të ardhme jashtë vendit. Kjo nuk mund dhe nuk duhet të vazhdojë!” – shkruan Desardi.

Desardi mbi gjitha është njeri i fjalës dhe i besës. Atdhetar e kombëtar i cili do t’ju dëgjoj, t’ju përfaqësoj dhe të sjell politika që ndikojnë realisht në jetën tuaj. Ku mes tjerash pritet të jetë ura që lidh nevojat tuaja me zgjidhjet konkrete. Elbasani ka potencial të jashtëzakonshëm, por ai duhet të drejtohet me vizion, përkushtim dhe integritet.

“Po ju drejtohem sot me një thirrje të sinqertë për ndihmën tuaj. Jemi në një moment kyç për vendin tonë, ku sistemi i kalbur politik ka nevojë për ndryshim të thellë dhe të menjëhershëm. Familja ime ka përjetuar padrejtësitë më të mëdha të këtij sistemi. Të persekutuar nga regjimi i kaluar, prindërit dhe të afërmit e mi vuajtën pasojat e një sistemi shtypës që mohoi liritë dhe të drejtat themelore. Megjithatë, ne nuk u dorëzuam. Me përfundimin e diktaturës, ne kontribuuam në përpjekjet për demokraci, duke besuar në një Shqipëri të lirë dhe të drejtë” – shkruan Muzhaqi.

“Unë besoj se ndryshimi është i mundur dhe se ai vjen vetëm me përfshirjen e secilit prej nesh. Ne kemi nevojë për një politikë të pastër, të ndershme dhe të përkushtuar për të mirën e qytetarëve. Kjo është arsyeja pse ju ftoj të bashkoheni me mua në këtë betejë për të ndërtuar një të ardhme më të mirë” – shkruan mes tjerash Muzhaqi.

Për një Elbasan më të mirë, me vizion dhe të ardhme të ndritur voto Desard Muzhaqin, sepse ia vlen.

Votoni Koalicionin Euroatlantik
Numrin 4.