Sot në Tearcë u zhvillua një takim i përbashkët i strukturave të Aleancës Kombëtare për Integrim, ku u diskutua për hapat e radhës dhe iniciativat që do të ndërmerren në shërbim të qytetarëve.
Në qendër të diskutimeve ishin çështjet organizative dhe aktivitetet që kjo forcë politike synon t’i ndërmarrë në vijim të fushatës.
Takimi, megjithatë, ngre pikëpyetje nga aspekti ligjor, pasi u mbajt në objektin e Komunës së Tearcës – gjë që bie ndesh me dispozitat ligjore, të cilat ndalojnë përdorimin e objekteve publike për takime politike gjatë periudhës parazgjedhore.
