Arben Taravari tha se 90 për qind e partisë është në anën e tij, ndërsa vetëm 10 për qind ka mbetur në anën e Ziadin Selës. Taravari tha se shtëpia dhe familja e tyre është e madhe dhe është e hapur për të gjithë, që siç tha, edhe Ziadin Sela nëse dëshiron, është i mirëseardhur.

“Unë thash, tashmë 90% e partisë janë këtu, 10% kanë mbetur. Para 10 ditëve erdhi kryetari i Vrapçishtit, që ishte në anën tjetër, na u bashkëngjit. Unë thash se shtëpia jonë dhe familja jonë është e madhe, për të gjithë dyert janë të hapura, kështu që kush do, le të vijë, është i mirëseardhur. Edhe Sela që…? Nëse do, është i mirëseardhur, dyert janë të hapura”, tha Taravari.